ليه بنحذر من التعامل مع صيدلية الاخلاص؟

صيدلية الدكتور سلامة مدرة الله يرحمه (الاخلاص) بشارع الشيخ محمد عبده بعمارة الحج عبادة ابو بكر طول عمرها ليها اسم في البلد، ليه دلوقت انتشر علي النت كلام بيحذر اهالي ادكو من التعامل معاها؟ هل الكلام دا صحيح ولا اشاعات؟ كل الاسئلة دي هيتم الاجابة عليها و تاكيدها بالمستندات الرسمية علشان الناس تاخد بالها علي صحتها و كمان علشان الجهات الرسمية تتحرك و تاخد اجراء قانوني ضد الشخص المتسبب في كدة .

ايه هيا حكاية الصيدلية من البداية :

صيدلية الاخلاص طول عمرها سمعتها كويسة في البلد وصاحبها كان راجل طيب و مش بتاع مشاكل، الله يرحمه اتوفي بتاريخ ١٦/٩/٢٠١٦ يعني تقريبا من خمس سنين فاتو.

بعد الوفاه اجتمع الورثة الشرعيين و اتفقو علي ان الصيدلية يتم جردها علشان الحقوق تكون معروفة للجميع و بالفعل بدء الورثة بمساعدة بعض الناس في جرد الصيدلية، لكن لظروف عمل بعض الورثة خارج البلاد اضطرو انهم يسافرو و يتركو امر الجرد للوريث الاكبر اللي وعدهم انه اول ما يخلص جرد هيبعت لهم نتيجة الجرد، و تمر الايام و كل فترة يتم الوعد بارسال نتيجة الجرد لباقي الورثة وحتي يومنا هذا لم يقم هذا الشخص بالوفاء بالامانة اللي باقي الورثة امنوه عليها و عرفهم الصيدلية وضعها ايه.

اتاكد بعد كدة لجميع الورثة ان الوريث الاكبر قام بوضع يده علي الصيدلية و كان بيتم تسويف اي مطالبات من باقي الورثة بمعرفة وضع الصيدلية كحسابات او امور تخص الربح او الخسارة .

اجتمع الورثة و قررو ان الصيدلية لازم تتاجر لدكتور صيدلي متخصص و يكون معروف لكل الورثة و كان الوريث الاكبر اللي مسيطر علي الصيدلية موافق علي الكلام دا تحت بند التسويف .

اعلن الورثه من خلال المعارف عن النية لتاجير الصيدلية و كان الاتفاق علي التهاون في قيمة الايجار مقابل ان يكون المستاجر شخص ذو سمعة طيبه علشان يحافظ علي سمعة الصيدلية و نتجنب اي مشاكل طبيه.

كذا دكتور صيدلي معروف في ادكو كلم الورثة علشان ياجر الصيدلية ولكن طبعا الوريث اللي مستولي علي الصيدلية كان بيتبع معاهم سياسة التطفيش بشروط مجحفة جدا زي مثلا لازم تشتري الدوا اللي في الصيدلية كله اجباري، و كمان لازم تدفع مبلغ ضخم مقدم و حاجات زي كدة بحيث المؤجر يطفش و يخلي له الجو .

في الوقت دا كان احد الورثه معدي علي الصيدلية بشكل عادي و اتفتح نقاش علي موضوع الايجار ولما النقاش احتد قام الشخص اللي مستولي علي الصيدلية بيحاول يعتدي علي الوريث الشرعي و هدده انه لو جه الصيدلية تاني هيكسر رجله.و ارسل نفس التهديد لباقي الورثة واعلنها صراحة انه محدش هياخد حاجة من الصيدلية.

بعد حدوث مشاكل كتير بسبب استلاء الوريث دا علي الصيدلية و قرر باقي الورثة ان الوضع دا لازم ينتهي حتي لو الصيدلية هتتقفل و تم الغاء تسجيل المدير الصيدلي و اخطار الادارة الصحية في ادكو و دمنهور بالغاء تسجيل المدير للصيدلية و تم تقديم شكوي رسمية لمديرية الصحة بدمنهور و بناء عليه قامت ادارة التفتيش الصيدلي بالمديريه بالمرور علي الصيدلية و حررت محضر مزاولة مهنة الصيدلية برقم ٤٦٣٠ لسة ٢٠٢٠ و تاكد لهم بان الصيدلية بدون دكتور صيدلي مسئول و لما كانو بيطلعو بمامورية لغلق الصيدلية كان بيتم تسريب الخبر للشخص المستولي علي الصيدلية ليقوم بغلقها قبل وصول مامورية الغلق بتاريخ ٦/٨/٢٠٢٠ و كمان ٩/٨/٢٠٢٠ و بتاريخ ٣٠/٨/٢٠٢٠ طلعت المامورية وكانت الصيدلية مفتوحة ولما بدئو تنفيذ القرار اعتدي الشخص المستولي علي الصيدلية علي القوة الامنية المصاحبة للمامورية و اتحول للنيابة و اتحرر له محضر مقاومة سلطات رقم ٦٠٠٠ لسنة ٢٠٢٠ شرطة ادكو.

استغل الوريث الأكبر ان باقي الورثة كانوا عاملين له توكيل عام و راح للادارة الصحية و حاول تسجيل مدير تاني بدون علم باقي الورثة، وهنا بدء باقي الورثة في اتخاذ اجراءات قانونية تجاه الصيدلية.

حاول بعض الاهل و الاقارب التدخل لحل المشاكل اللي بدئت تحصل بسبب الوارث الاكبر وفي احد المرات تم الاتفاق علي توزيع التركة ولكن بقي هذا الاتفاق كلام علي ورق ولم يقم هذا الشخص بتسليم اي من الورثة حصصهم الشرعية ولا تسليم من آلت اليه الصيدلية في الاتفاق اي معلومات تخص الصيدلية. بالتالي اصبح الاتفاق كلام علي ورق .

قام الورثة بالاجراءات القانونية التالية :

١- تم انذار هيئة الشئون الصحية بدمنهور لعدم التعامل مع الشخص المستولي علي الصيدلية و ان التوكيلات المستخدمة ملغية .

٢- تم انذار هيئة الشئون الصحية في دمنهور بتشغيل الصيدلية من قبل احد الورثة بشكل غير قانوني .

٣- تم رفع قضية حراسة قضائية مستعجلة رقم ٦ لسنة ٢٠٢١ مدني ادكو حتي يتم حماية المواطنين و حقوق باقي الورثة من ذلك الشخص.

قام هذا الشخص بالتعاون مع المحامي الخاص به بمحاولات عديدة لايقاف القضية وعدم حماية اهالي ادكو من تشغيل صيدلية بشكل غير قانوني.

نتيجة القضايا المرفوعة علي الصيدلة من قبل باقي الورثة توقفت الشركات الرسمية للادوية من بيع ادوية بشكل مشروع للصيدلية، علشان كدة الشخص المستولي علي الصيدلية بيشتري ادوية من اماكن غير قانونية و غير معروف مصدرها و تزوير فواتير للادوية دي علشان يهرب من المسالة القانونيه.

موخرا حتي يتسني لهيئة المحكمة الموقرة من معرفة حقيقة وضع الصيدلية قامت بمخاطبة مديرية الشئون الصحية بدمنهور و كان رد المديرية بشكل رسمي يوكد عدم وجود دكتور صيدلي يدير الصيدلية بشكل قانوني.

صورة من رد مديريه الشئون الصحية

موخرا اكتشف الورثة وجود قضية تبديد في المحكمة علي احد الورثه ولما استعلمنا عن القضية اكتشفنا ان الشخص المستولي علي الصيدلية رفض يسدد التامينات الاجتماعية و قام بطرد موظف التامينات من الصيدلي علشان الموظف دا في النهاية يقوم بعمله و يعمل قضية تبديد لاحد الورثة المتواجدين اصلا خارج البلد . يعني لا منه ولا كفاية شره.

تم ايضا طلب هذا الوارث لقعدة عرفية من خلال مركز ادكو و قام رئيس المباحث المحترم الرائد عمرو ابو يونس بترتيب قعدة عرفية في مندرة العمدة بقرية ديبونو و رفض حضور القعدة العرفية

بعد عرض هذه الحقائق كاملة بالمستندات نرجو من اهالي ادكو الكرام الحذر من التعامل مه الصيدلية حيث انها تخضع للنزاع القانوني و ايضا تدار بشكل غير قانوني.

كما نوكد علي ان الصيدلية ملك لجميع ورثة الدكتور سلامة مدرة جميعاً وليست ملك لاحد غيرهم او لاحدهم منفردا ولا يجوز التعامل عليها الا بموافقة جميع الورثة نفسهم وبدون اي توكيلات عنهم.

كما نهيب بالجهات الصحية المختصة بادكو و دمنهور اتخاذ الاجراءات اللازمة من اجل حماية المواطنين.